Quannu su rrivatu de la Svizzera, aggiu vulutu cu me fazzu nu giru ntra Murcianu | TorreVado.info

Una divertente storia di vita raccontata da Vittorio Renna. Il racconto parla di un ritorno a Morciano di Leuca e del incontro di luoghi e persone ritrovate nel paese di origine. Questo racconto dialettale fa parte della sesta edizione del giornalino “LA Mia Terra” realizzato dall’ Associazione Morcianesi in Svizzera e distribuito a Morciano di Leuca da Torrevado.info.

Quannu su rrivatu de la Svizzera, aggiu vulutu cu me fazzu nu giru ’ntra Murcianu  (da La mia Terra 6° edizione)

Su ssutu de la superstrada e su passatu de c’ra via la Cirimotta, poi su ssutu ’ntre Curisce a dunca abitavene tutti li Settemisi, lu Maranisu, lu Manottu, lu Cuzzuvì e a la fine aggiu giratu versu la via de Campusantu, de dà su passatu de nanti casa de Mescinini, lu Sticchiu, lu Trotta, e poi su sciutu versu lu Cipuddaru e continuatu fenca la Via Nova, vicinu la Clerice su ’nchianatu susu le Marcatare e su ssutu a Santa Lucia, su scisu a lu Monumentu e continuatu finu a Lu Barcu, su passatu de Menzu La Chiazza e dopu lu Bar de lu Malotu su giratu de la via de lu Brichi, su passatu de nanzi Don Pietru e versu lu Senzaculu a la fine de la via su scisu sutta Lortulongu a dunca na vota abitavene li Cicciotti, li Mescinicoli, lu Capivarca, de dà me ne su sciutu de la via de la Fermacia e continuatu fenca lu Cinama de li Cioddi, poi su giratu versu lu ’Mbertu Vinticinque e su ’nchianatu susu lu Campu Vecchiu, aggiu fattu nu giru susu Britu e me ne su vanutu de Costantinopli, su passatu de nanti la putèa de lu Barratta, su scisu de la via de le Sterne, a dà m’aggiu ricurdatu ca na vota ’nc’erene lu Pizzurrisu, lu Tecaffridda, lu Rachi, lu Spuzi, lu Callèna lu Tiscianu, li Marinoni, li Tulé e parecchi otri, poi quannu su rrivatu vicinu La Chesia a dunca na vota ’nc’era lu Bar de Mesciu Pati su passatu de la via ca abitava ièu, a dà me su vanuti tutti li ricordi de quannu era vagnone, tutti chiri curtii ca abitavene tanti ristiani, lu Marasciallu Cutursune, lu Santulìa, lu Peppi Ruplanu, lu Picozzu, li Senzanasu, le Ttittille, lu Pamma, lu Tataratà, lu Leu, la putèa de lu Cascignanese, poi Deretu Li Turri ’nc’erene li Pampana, lu Turiddu, li Pusci, lu Diavulu, lu Maiune, lu Pazzizzili, li Ranchi, la Povuleddi, lu Cotulinu, lu Pati Fuffala, poi su rrivatu vicinu a casa mia de fronte lu Macazinu de Tabbaccu e m’aggiu farmatu nu picca pansannu a tutta chira gente ca abitava dà vicinu, ’nc’erene Nui Sammattei, lu Micheli e la Filumena Zzinena, lu Luvigi e la ’Ndrurata Cazzove, lu Vitu Tabbaccaru e la Giuvanna Mitirda, lu Vitulazia, li Puciari, lu Pulinu e tante otre persone, poi su ssutu a la via de Maruzzu e vicinu li Cudimuzzi su ’nchianatu versu L’Asilu, a l’incrociu de lu Cazzatedda su giratu de Terra Cunedde, dopu la putèa de lu Spaventa su scisu de la via de le Scole e su ssutu a Santi Martini a dunca abitavane lu Cagnolu, li Patusci, lu Stisu, lu Mariu Coppatedda, lu Vicenzinu e otri ristiani, alla fine aggiu piàta la scisa de ´Mpriali, la Cupa, lu Piscozzu e su rrivatu a sutta la Turre.

Vittorio RENNA

vittorio-renna

in allegato il Numero 6 Completo in PDf di  “La Mia Terra”

Ultima modifica:

Condividilo con i tuoi amici:


One Response to “Quannu su rrivatu de la Svizzera, aggiu vulutu cu me fazzu nu giru ntra Murcianu”

  • PIPPI

    hai fatta nà bella passiggiata, però nonn’ai fruntatu la piroti a minigonna, le pepparroni, li furcata, li scapati, la vata la scarpa, li cimmici, li tirelli, li tulè, li mainotu, la maria la fica, la spazzòla, la muresi, la curnelia, la mantune, la ronnala, lu totu lu zzizziri, la tora bubbù, li martesi, li miloni, li gialli, li pecureddi, li caponi, li sammattei, lu pititi, la tippitippi, la capirizza, li dormi, li mesciatoma, li cagnoli, li rigginella, li cudimuzzi, la senzaventre, li senzanasu, li pizzuti, li donnemiliu, lu vitu bazzirri, lu cciafferra, li povili, lu nglese, lu precisolì, lu tabbaccaru, lu zzucaru, lu giaccareddi, lu malotu, lu salanieri, li marianni, e tanti otri ca ormai li vagnoni de moi non n’hannu mai ntisu cuntare.

E tu, cosa ne pensi?