Pizzica: Voce e Tamburo

E lu tamburieddhu miu vinne de Roma
ca lu tamburieddhu miu vinne de Roma
e mannaggia ci lu tuzza, ca mannaggia ci lu tuzza
e mannaggia a ci lu tuzza e ci lu sona
ma ci lu sona, ma ci lu sona
e mannaggia ci lu tuzza e ci lu sona.

E ballati cu bu casciane li piedi
e de sotta le scianucche pari pari.

E passai de nu sciardinu quasi quasi
ca iu quasi quasi me ne sciei tutt’osci.

E trovai na signurina disse trasi
e trasi giovine miu ca te riposi.

E me convitau le mile e le cirase
ca io pe’ guardare lei mile nu bosi.

E giacchè nu boi né mile e cirase
e apri lu pettu miu trovi do’ rose.

E passa lu ientu e cotula lu ramu
e tenite beddha mia cu nu cadimu.

E ca se cadimu nui an terra sciamu
e ca de cristallu simu e ni rumpimu.

E tutti me lu vantara lu trappitu
e me lu vantava ci nun era statu.

E ca d’intru avia sempre ‘n omu stisu
e de sette parmi e menzu mmesuratu.

E se ‘lli dici de si sta bocca canta
e se ‘lli dici de no sta all’obbedienza